పిడకలు !

పెదరాసి పెద్దమ్మ వున్నప్పుడు ఆకాశం చాలా కిందకి ఉండేది, ఎంత కిందకి అంటే తాను వంగి నడవాల్సి వచ్చేది! ఒక రోజు తాను పిడకలు చేసుకొంటోంది,అప్పుడు ఆకాశం ఆవిడ తలను తాకింది, కోపమొచ్చి పిడకతో కొట్టింది, ఆకాశం కొంత పైకి వెళ్ళింది!! కోపం తగ్గక మరో పిడకతో మళ్ళీ కొట్టింది, ఆకాశం ఇంకా పైకి వెళ్ళింది! ఎంత పైకి అంటే ఇప్పుడున్నంత పైకి , ఆ రెండు పిడకలే సూర్య చంద్రులు!!

చంద్రుడి మీద మచ్చ ఏంటి అంటే... ఇంకో అవ్వ కథ. 

ఇలాంటి కథలు విని అవి నిజనమనుకొని పెరిగిన నేను... అప్పుడప్పుడు ఆలోచిస్తుంటే ఆ అమాయకత్వం గుర్తుకొచ్చి నవ్వు వస్తుంది... అది అమాయకత్వం అని తెలిసే విజ్ఞత ఎలా వచ్చిందని ఆశ్చర్యం వేస్తుంది... ఇవన్నీ "రూఢీ"గా ఒకే lifetime లో అనుభవించిన generation లో పుట్టినందుకు ఒకింత ఆనందం కూడా కలుగుతుంది.

దాన్ని పక్కన పెట్టి... మీ creativity ఉపయోగించి... ఈ కథను కంచికి చేరనీకుండా పొడిగించండి... అంటే నక్షత్రాలు ఎలా వచ్చాయి? పిడకలు ఒకటి తరువాత ఒకటి ఎందుకు కనిపిస్తున్నాయి... అప్పుడప్పుడు మాయం(eclipse) ఎందుకు అవుతున్నాయి... ఇలా అన్నమాట.

నా ప్రయత్నం... 
ఆకాశం మొదట్లో రంగులేకుండా, చీర అంత చిన్నదిగా ఉండేది. ఎవరింటి పైన వాళ్ళ ప్రత్యేక ఆకాశం ఉండేది. ఒక పండగ రోజు బట్టల సాయిబు దగ్గర ముచ్చట పడి "చమ్కీలు" ఉన్న నీలం చీర కొనుక్కుంటుంది మన పెద్దమ్మ. మరునాడు దానిని నీళ్లలో నానబెట్టి బాగా ఉతికి చూసే పాటికి చీర రంగు వెలిసిపోయి చమ్కీలు ఊడిపోయి ఉట్టి తెల్ల పీలిక మిగిలిపోతుంది. 

ఇలా అయ్యింది అని చెబితే సాయిబు నమ్మడని ఆ నీళ్లు కిందపోయకుండా ఆకాశంలో ఉంచింది. సాయిబు ఎప్పటికీ రాలేదు... కథ ఇక్కడ దాకా వచ్చిందండీ.... ఇక్కడ నుంచి దేవేంద్రుడినో బ్రహ్మానో పిలిచి ఆ ఆకాశాన్ని కొద్దిగా spread చేసి పెద్దమ్మకు help చేద్దురు please. ఇంకా మా పిల్లలకి మంచి science class లాగా కూడా పనికొస్తుంది. 

 

"Mukti" is a selfish goal

"Religion is like your coccyx: While it may have played a very crucial role for our ancestors, these days you can usually just ignore it."

I don't plan to glorify about religion when I talk to my daughter, instead I want to tell her that these are mentionable initial attempts to man's age old questions. If you are open to my thought process here is one example.

Hippocrates - a Greek Philosopher/Physician, proposed a four element theory (called them as "humors") - Earth, Water, Fire, Air. He said there is a fifth element called "Love" binds all these four, and lack of it ("hate") separates them. Everything in the world is made of these and nothing else.

He (they called him father of medicine back then)  took this theory and applied to human body. Blood as fire, Black bile as earth, Yellow bile as air and Phlegm as water. He said lack of harmony in these elements would cause physical or mental problems. By letting go of excess element or adding a supplement he used to cure diseases (not everyone of those, ofcourse). Imagine a patient's fate who is diagnosed with excess "fire"; they would help him/her bleed to death simply to bring back harmony!

His successors evolved the definitions of these five elements and gave slightly different meaning at different times, but the standard remained like that for 100s of years later. Does this theory sound familiar to what you have learned? "You are nothing but a manifestation of five elements" (పంచ భూతాల సహితమే ఈ మానవ శరీరం).

For someone 2700 years ago these are probably groundbreaking ideas, but not now. In the era where doctors are doing organ transplantations so effortlessly, I cannot teach my daughter what I learned as a kid and don't agree with. I don't want this five element theory confuse her when her Chemistry teacher is discussing about the elements in the periodic table.

We cannot come to terms with the idea of our own death. It is OK with everybody else's death, but not our own. It makes us feel good that there is something else out there and is better. Whether it is true or not, we want to believe it. In the name of belief, humans spend 50% of their life preparing for better next life than this one. Preparing is fine, but that makes us sit and watch the atrocities that are happening on the name of belief. This is hinderance to progress.

We are the best generation in terms of comfort and convenience. We achieved this not with the help of faith, but with the help of reason.

Leaving a better tomorrow for the coming generations should be the purpose of life, not some mukti which in my opinion is a selfish idea.

మనిషితనం

ఒకటి రెండంటూ విడిగా లెక్కెడితే
తొమ్మిది గుమ్మం దాటవు ఎపుడూ అంకెలు ఎన్నంటే!

పక్కన నిలబెడుతూ కలుపుకు పోతుంటే
అంకెలకైనా అందవు సంఖ్యలు మొత్తం ఎన్నంటే!!

నువ్వు నువ్వుగా నేను నేనుగా ఉన్నామనుకుంటే
కోట్ల ఒకట్లై ఒంటరితనాన పడిఉంటామంతే!

నిన్ను నన్ను కలిపి మనం అని అనుకున్నామంటే
ప్రపంచ జనాభా కలిపి మొత్తము మనిషితనం ఒకటే!!

---- సిరివెన్నెల 

కట్టు బానిసత్వం

"ఇది విన్నావా? వారి ఆదాయం ఎంతో తెలుసా? "
"తెలీదు. 2-3 వందల కోట్లు ఉంటుందేమో "

"పోయిన సంవత్సరం 2,262 కోట్లు"
"పర్యాటక ప్రదేశం కదా, భక్తులు ప్రసాదాలు, స్పెషల్ దర్శనాలు, తల వెంట్రుకలు, కాటేజిలు అవి ఉంటాయి కదా. ఆ మాత్రం ఆదాయం వస్తుందిలే."
"ఒక్క హుండీ ఆదాయం 1100 కోట్లు. "

"ఈ దేవుడు ఆ దేవుని దగ్గర చేసిన అప్పు తీరాలి కదా. కనీసం ఈ కలియుగాంతంకైనా తీరుతుందో లేదో. "
"ఒక దేవుడు ఇంకో దేవుడి దగ్గర అప్పు తీసుకుంటే... దానికి వీళ్లకు ఏంటి సంబంధం? "
"!!"
"అప్పు ఇచ్చిన దేవుడి బ్యాంకు అకౌంట్ ఏంటి, మంత్లీ EMI ఎంత, ఎన్ని సంవత్సరాలు కట్టారు, ఇంకా ఎన్ని సంవత్సరాలు కట్టాలి? "

"బోడి గుండు మీద వెంట్రుకలు పీకే పని చేయక, ఆలా మాట్లాడితే కళ్ళు పోతాయి. ఆపద మొక్కులవాడు, అనాధ రక్షకుడు. కోరికలు తీరిన భక్తులు మొక్కు తీర్చుకుంటారు"
"సరే తీరినవాళ్లు వాళ్ళ సంతోషం కొద్దీ ఇచ్చారు అనుకుందాం. మరి తీరని వారికి ఏమైనా లయబిలిటీ ఇస్తారా?"
"అదెలా కుదురుతుంది, ఎవరేం పాపం చేసుకున్నారో? చేసిన కర్మ ఫలితాలు అనుభవించాల్సిందే కదా? "
"తెలిసి ఏ తప్పులు చేయకపోతే?"
"పూర్వ జన్మలో కొన్ని తెలిసి చేసిన తప్పులు అయ్యుండొచ్చు కదా? "
"బాగుంది, అంటే పెట్టుబడి (capital) లేదు, ఉత్పత్తి (production) లేదు, distribution లేదు, కానీ ఆదాయం (revenue) మాత్రం ఉంది. మంచి జరిగితే credit, లేకపోతె నీ (ఖ)కర్మ."

"అంటే అందరు పుణ్యం పాపం చేసినప్పుడే కాదు, కొంత మందికి కులదైవం. ఇంట్లో ఆచారంగా ఇస్తుంటారు. ప్రతి సంవత్సరం కొండకు వెళ్లి అందరిని చల్లగా చూడు స్వామీ అని ఏమీ ఆశించకుండా హుండీలో డబ్బులు వేస్తుంటారు"
"వీళ్ళు ఇంకా ఘోరం, కట్టు బానిసలన్నమాట!"

"ఎవరి నమ్మకాలు, ఆచారాలు వారివి! అయినా ఇచ్చేవాళ్లకు లేని బాధ నీకెందుకు? "
""

నేనెవరు?

కరి నువ్వే మకరి నువ్వే
తేరు నువ్వే పోరు నువ్వే
ప్రశ్న నువ్వే సమాధానం నువ్వే
కృష్ణుడు నువ్వే అర్జునుడు నువ్వే
                   --- సిరివెన్నెల

కరి = ఏనుగు
మకరి = మొసలి
తేరు = రథం
పోరు = యుద్ధం

ఈ బ్లాగు రాసింది మాత్రం నేను, చదివింది నువ్వు :). సిరివెన్నెల గారు చెప్పింది చదివితే అర్థం అయ్యే విషయం కాదు. సాధన చేసి అనుభవంలోకి తెచ్చుకోవాల్సిన విషయం.

ఈ మధ్య అమెరికాలో "Goat Yoga" అని వచ్చింది. అంటే ఏమీ లేదు, వీళ్ళు ఆసనాలు వేస్తున్నప్పుడు ఒక గొర్రె పిల్లని వీళ్ళ మీద నించోపెడతారు...ట! ఆసనానికి గొర్రెకి సంబంధం ఏమిటో ఆ గొర్రె మందకే తెలియాలి.

అలాగే జర్మనీలో "Beer Yoga" అని మొదలెట్టారు. మత్తులోకి జోగాక సమాధి స్థితి అనుభవిస్తారన్నమాట.

కాబట్టి మిత్రులారా, ఈ సన్నాసులందరు మీ ఇంటి తలుపులు కొట్టక ముందే, మీరెళ్ళి గురువుగారి కాళ్ళు పట్టుకోండి. మీకోసం కాకపోయినా రేపు మీ పిల్లలకో, లేక పిల్లల పిల్లలకో (అప్పటికి మీరింకా ఉంటే) బుద్దిపుడితే 'అమ్మా... నాయనా... ఇదీ సరైన దారి" అని ఒక సలహా ఇచ్చి మీ పెద్దరికం నిలబెట్టుకుందుకైనా పనికి వస్తుంది.

రెటమతం!

మా కజిన్ చెప్పిన సంఘటన ఇది. చిన్నజీయర్ గారు ఒక చోట బాలాజీ temple opening పని మీద వచ్చినప్పుడు... గుడి ముందు ఉన్న వినాయకుడిని తీయించి విశ్వక్సేనుడిని ప్రతిష్టించేవరకు program postpone చేయించారు. ఇరవయ్యోకటో శతాబ్దంలో శైవం, వైష్ణవం అని తన్నుకోవటం ఏంటి అని ఆయన(కజిన్) ఆవేదన. నాకు కూడా అది నచ్చలేదు, అదే టైంలో దశావతారం సినిమా చూసిన impact కూడా ఉంది.

ఇంకా, ఇక్కడ కొన్ని చిన్నజీయర్ గారి ఆధ్వర్యంలో జరిగిన కొన్ని పూజలకు వెళ్లాను. దేవుళ్లలో ముక్తి ఇవ్వగలిగేది కేవలం నారాయణుడు మాత్రమే అని వారి నమ్మకం. మిగతా దేవుళ్ళవి limited powersట. నాకది అర్థం కాలేదు. అదేవిషయం అడిగితె City Mayor power vs President power అని ఒక comparison చెప్పారు. అలా ఆ విషయాన్ని పక్కన పెట్టాను.

తరువాత ఇంకో విషయం అర్థం అయ్యింది. నువ్వు వేరు భగవంతుడు వేరు అని ఒక సిద్ధాంతం (Category A), నువ్వు భగవంతుడు ఒకటే అని ఒక సిద్ధాంతం (Category B). ఈ రెంటిని mix చేసి ఇంకో సిద్ధాంతం ఉన్నాయి అని. ఈ మూడూ అన్ని మతాల్లో ఉన్నాయి. "Kingdom of heaven is within you" అని బైబిల్లో ఉంది.

నేను భగవంతుడు వేరు అనుకున్నవాడు, భగవంతుడిని రక్షించే పనిలో ఉంటున్నాడు. ఒక రకంగా వ్యాపారం చేస్తున్నాడు. ఎదో ఒకరకంగా భగవంతుడిని మెప్పించి తద్వారా లాభం పొందాలి. తాత్కాలికం - ఇల్లు, పెళ్లి వగైరా; దీర్గకాలికం - స్వర్గలోక ప్రాప్తి, 72 కన్యలు (ఆడో మగో తెలీకపోయినా).

మతం పేరుమీద జరిగే అరాచకాలన్నీ Category A వల్లనే. Category B వల్ల ఇబ్బందేమీ లేదు. ప్రతిమతం వేరే మతంలో ఉన్న Category A చేసే పనులు చూసి వారిమీద ద్వేషం భయం పెంచుకుంటున్నాయి.

ఐటెం సాంగ్స్

తెలుగు సినిమాల్లో ఐటెం సాంగ్స్ కి ఒక ప్రత్యేకత ఉంది అని నా అభిప్రాయం. మనసుతో చూడాలి కానీ ప్రతిదాంట్లో ఒక తత్త్వం ఉంటుంది అని మా గురువుగారు చెప్పేవారు.

కృష్ణవంశీ సినిమా  'ఖడ్గం' లో "ముసుగు వెయ్యొద్దు మనసు మీద" అని సిరివెన్నెల గారు రాసిన ఒక పాట... మంచి మాస్ మసాలా డాన్సులు డప్పులు ఉంటాయి... దాంట్లో రెండో చరణం ఇలా సాగుతుంది

"కొంతకాలం నేలకొచ్చాం అతిదులై ఉండివెళ్లగా
కోటలైనా గొప్పలైనా ఏవి స్థిరాస్థి కాదుగా
కాస్త స్నేహం కాస్త సహనం పంచుకోవచ్చు హాయిగా
అంతకన్నా సొంతమంటూ ప్రపంచపటంలో లేదుగా

నిన్న ఏమైందో గుర్తుకొస్తే తీపి అనిపించని
ఉన్న స్వప్నాలు గుండె నిండా సరదాలు పండించని
నువ్వెవరో నేనెవరో ఈ క్షణాన కలిసి నడుద్దాం
సావాసం సంతోషం ఇవి అందించి అందర్లో నవ్వు నింపుదాం "

https://www.youtube.com/watch?v=FrkG_SxMTRk

బ్యాక్ గ్రౌండ్ స్కోరు, డాన్సుల్లో పాటకి తగ్గ అభినయం ఎక్కడుంది అనేదాని గురించి తరువాత మాట్లాడుకుందాం. ఈ పాట మంగళంపల్లి వారి "వస్తా వట్టిదే పోతా వట్టిదే..." కి గాని... అలాగే అన్నమయ్య గారి "నానాటి బ్రతుకు నాటకము" కి గాని ఏమి తీసిపోని భావం. అంటే వారిని అగౌరవపరచటం నా ఉద్దేశ్యం కాదు.

గురువులంటే కాషాయం ధరించి ఆశ్రమంలో కూర్చొని బోధ చేయాలని ఏమి లేదు... ఇలాంటి ఐటెం సాంగ్స్ రాసి కూడా బోధ చేయొచ్చు. కామి కాని వాడు మోక్షగామి కాలేడని యోగి వేమన జీవితం మనకు చెబుతుంది. అర్జునికి కురుక్షేత్ర యుద్ధరంగంలో చెబితేగాని అర్థంకాలేదు.

ఎవరికి ఎక్కడ జ్ఞానోదయం అవుతుందో ఎవరికి తెలుసు? ఏ చేప ఏ గేలానికి పడుతుందో తెలీదు. అవి పడినా పడకపోయినా... గేలం వేస్తూ పోవటమే గురువుల పని. అందుకే కదా మనం ఈ గురువులందరికి ఋణపడి ఉంటాం.

తెలుగు చక్రవర్తి!

అలెగ్జాండర్ ని నిలువరించిన పురుషోత్తం గొప్పవాడు, మౌర్య సామ్రాజ్య అధిపతి అశోకుడు గొప్పవాడు. కానీ మన తెలుగు వారి విషయం ఏంటి? అప్పటి దేశ రాజకీయాలలో మన పాత్ర ఏంటి? ఎంత భారతీయులమైనా ఎంతసేపని పక్కవాడి డబ్బా కొడతాం చెప్పండి?

విజయనగర రాజుల వీరత్వం గురించి విన్నా, కాకతీయుల శూరత్వం గురించి విన్నా, రాయలవారి వైభవం గురించి విన్నా మనసు పూర్తిగా నిండని పరిస్థితి. మిగతా చరిత్ర అంతా విషాదాల మయం. పల్నాటి యుద్దాలు, దాయాదుల పోరులు, దొంగ దెబ్బలు, ఈర్ష్యా ద్వేషాలు, పరాయి పాలన. ఉత్త పుణ్యానికి ప్రాణాలు విడిచిన మన్నెం వీరుడు అల్లూరి.

మనం ఎప్పుడు ఆటలో అరటిపండులా ఉన్నాం అని ఒక నిరుత్సాహం ఉండేది. ఢిల్లీ ఎప్పుడు పాపం మంగోలుల దాడులతో సతమతం అయ్యింది. కృష్ణా గోదావరి డెల్టా లు దాటి ఎవరూ పెద్దగా దాడులు చేయలేదు కాబట్టి మనకు ఎప్పుడు big picture చూసే అవకాశం రాలేదు అనే ఒక నిర్వేదం. మహా అయితే NTR సినిమాల్లో నకుల సహదేవుల పాత్ర అంత చప్పగా ఉంది అని ఒక దురభిప్రాయం.

చరిత్ర భవిష్యత్తుకు పునాది. చెప్పుకోదగ్గ చరిత్ర లేకపొతే చెప్పుకోదగ్గ భవిషత్తు కూడా ఉండదు.

లేదు. మనం కూడా ఏమి తీసిపోము! మనం ఒక పెద్దన్నయ్య పాత్ర పోషించాం అని వింటుంటే ఒళ్ళు ఆనందంతో పులకించిపోయింది! దేశం మొత్తాన్ని ఒక్క తాటి మీదకు తెచ్చి అందరికి ఒకే న్యాయం ఒకే ధర్మం అని చెప్పింది ఒక తెలుగు చక్రవర్తి అని అంటుంటే ఆ ఆనందం ఎలా చెప్పగలను? ఒకటి కాదు రెండు కాదు ఏకంగా 1500 సంవత్సరాల పాటు 'భిన్నత్వం లో ఏకత్వం' పాటించిన నా జాతికి పునాది వేసిన వీర చక్రవర్తి నా తెలుగువాడు.

అప్పట్లో భారతదేశం సరిహద్దులు నాకు అనవసరం. కాశ్మీర్ దాకా వెళ్ళక్కరలేదు అయితే అది మధ్యప్రదేశ్ వరకు వెళ్లాడా, ఉత్తర ప్రదేశ్ వెళ్లాడా నాకు అనవసరం. వింధ్య పర్వతాలు దాటారు, నాకు అది చాలు. ఇవ్వాల్టి సరిహద్దులే ఒక్కొకరు ఒక్కో రకంగా చెప్పుకుంటున్నారు. ఇక 2000 సంవత్సరాల క్రితం ఎలా ఉందొ ఎవడికి తెలుసు.

కానీ ఇది నిజం అని నాకు నమ్మాలని ఉంది.

ఏడు చేపల కథలో రాజులు నేర్చుకోవాల్సిన నీతి ఏంటో వివరంగా కన్న కోడిక్కి చెప్పినా, సమయం లేదు మిత్రమా అని తొందర పెడుతూ దేశం మీసం మెలేసే పౌరుషం చూపించినా, పుట్టింటికి వెళ్తా అని పెళ్ళాం బెదిరిస్తే మీసం సంగతి తరువాత అసలు రోషమే లేని మగడైనా, తల్లిని మించిన తనయుడు ఉన్నాడా అని వితండవాదుల్ని నిలదీసినా, శాంతి కాముకత్వం అంటే చాతకానితనం కాదని యుద్దాలు అవసరం లేని యుద్ధమే దానికి మార్గమని చెప్పి; తొడకొట్టి మరీ చేసి చూపించినా,  "గణ గణ" అంటూ పాట పాడి సైనికుల్ని రాములోరి కల్యాణం చూడటానికి వెళ్తున్నంత సంబరంగా యుద్దానికి ఉత్సాహంగా తీసుకువెళ్లినా... అది తెలుగువాడికి మాత్రమే చెల్లుతుంది. సకలకళా వల్లభులు మరి తెలుగు వాళ్ళే కదా!

కాబట్టి ఇది ముమ్మాటికీ నిజం!

అయ్యా క్రిష్, బాబూ బాలయ్య, మాస్టారు సిరివెన్నెలా, అన్నా సాయి మాధవ్... ఇలాంటి నిజాలు ఇంకా ఇంకా తెలుసుకోవాలని ఉంది. నాకు తీపి రుచి ఏంటో ఇప్పుడే తెలిసింది.